“İsraillə Azərbaycan arasında isti və dostluğa əsaslanan əlaqələr var”. 

“Qafqazinfo” “Novosti Azərbaycan”a istinadən xəbər verir ki, bu sözləri İsrail prezidenti Şimon Peres MDB, Baltik ölkələri və Gürcüstan baş redaktorları Klubunun üzvləri ilə görüşündə deyib:

“Bizim dünyəvi müsəlman ölkəsi ilə gözəl münasibətlərimiz İsrailin müsəlman dünyası ilə müsbət əməkdaşlığının nümunəsidir. Bu əlaqələr hər iki ölkənin milli maraqlarına xidmət edir və xalqlarımıza əhəmiyyətli dərəcədə xeyir gətirir. Azərbaycan həmçinin terrorizmlə qlobal mübarizədə həlledici rol oynayır, onun beynəlxalq ictimaiyyətdəki unikal rolu isə ondan xəbər verir ki, Azərbaycan sözsüz ki, bölgədə sülh istiqamətində töhfələr verməyə, xalqlar və ölkələr arasında sülh və qarşılıqlı anlaşmaya yardım etmək potensialına sahibdir”.