Noyabrın 27-də Şamaxıda 2003-2005-ci il təvəllüdlü yeniyetmələr arasında Azərbaycan Respublikasının dövlət müstəqilliyinin bərpasının iyirmi beşinci ildönümünə həsr olunmuş cüdo idman növü üzrə respublika turniri keçirilmişdir.

Mediatv.az xəbər verir ki, Şamaxı Avropa liseyinin idman zalında Bakı və Sumqayıt şəhərlərindən, Şamaxı, Ağsu, İsmayıllı, Qəbələ və Ucar rayonlarından olan idmançıların iştirakı ilə maraqlı və gərgin idman mübarizəsi şəraitində keçən yarışda müxtəlif çəki dərəcələri üzrə İsmayıllıdan 6, Şamaxıdan 4, Bakı şəhərindən isə 1 idmançı I yerə layiq görülmüşdür.

Qaliblər rayon Gənclər və İdman İdarəsi tərəfindən müvafiq diplomlarla təltif olunmuş, xatirə şəkilləri çəkilmişdir