Səlim Müslümov dayısını qardaşı ilə əvəzləməyə çalışır

  Ağsu rayon icra hakimyyətinin başçısı Ənvər Seyidəliyevin yaxın günlərdə vəzifəsindən çıxarılacağı gözlənilir. Bu haqda xeberinfo.com-a siyasi hakimiyyətdəki mənbəmiz bildirib. Məlumata görə son hadisələr səbəbindən dövlət başçısının müvafiq sərəncamı yubanır. Amma sərəncamı hazır hesab etmək olar.

Hətta Ənvər Seyidəliyevi əvəzləyəcək şəxsin kimliyi də məlumdur. Bu şəxs İsmayıllı rayon maliyyə idarəsinin rəisi, Səlim Müslümovun qardaşı Radim Müslümovdur. Ağsu rayonunun Səlim Müslümovun kurasiyasında olduğunu nəzərə alsaq məlumatı ciddi qəbul etmək olar. Həm də bu ölkədə bir qardaşın nazir, digərinin icra başçısı olması ənənəyə çevrilib.  Görünür cənab Müslümov da qardaşından başqa etibarlı dayısını əvəz edəcək şəxs görmür.  

Xatırladaq ki, 66 yaşlı Ənvər Seyidəliyev 18 dekabr 2007-ci ildən Ağsu rayonuna rəhbərlik edir. Onun rəhbərliyi dövründə Ağsu rayonu ilə bağlı müxtəlif, xüsusi ilə də sosial xarakterli problemlər mətbuat səhifələrini bəzəyib.

Xeberinfo.com