Ağ sirkə təbii asidik tərkibi ilə həm dəri, həm də saç baxımında faydalı təsirlər göstərir.

Pravda.az bildirir ki, ölçülü şəkildə istifadə edildikdə dərinin pH balansını tənzimləyir, yağlılığı azaldır və saçlara təbii parlaqlıq bəxş edir. Eyni zamanda, göbələk əleyhinə təsiri ilə dəridəki infeksiyaların müalicəsində dəstəkçi ola bilər.

Saça və dəriyə faydaları:

Dərinin parlaqlığını və elastikliyini artırır

Sızanaqların və gözənəklərin görünümünü azaldır

Saçda kəpək və yağlanmanı azaldır

Təraş sonrası və ya günəş sonrası dərini sakitləşdirir

Saçlara canlılıq və parıltı verir


İstifadə qaydaları:

Dəriyə tətbiq: 1 hissə sirkə, 3 hissə su ilə qarışdırılaraq pambıqla dəriyə çəkilə bilər.

Saça tətbiq: Saç durulama suyuna 1-2 yemək qaşığı ağ sirke əlavə edilə bilər.


Nədən hazırlanır?

Ağ sirkə təbii fermentasiya yolu ilə etanolun bakteriyalarla qarşılıqlı təsirindən əldə edilir. Ən çox taxıl, şəkər çuğunduru və kartof kimi mənbələrdən hazırlanır.

Yan təsirləri:

Yüksək asidik quruluşuna görə ehtiyatla istifadə olunmalıdır.

Dəriyə birbaşa tətbiq edildikdə qızartı və quruluq yarada bilər

Diş minasını zədələyə və reflü simptomlarını artıraraq mədəyə təsir göstərə bilər

Boyalı saçlarda rəng solması mümkündür


Kimlər istifadə etməməlidir?

Hamilə və ya əmizdirən qadınların, uşaqların və həssas dərili şəxslərin ağ sirkədən istifadə etməzdən əvvəl həkimlə məsləhətləşməsi tövsiyə olunur.

Ağ sirkə haralarda istifadə olunur?

Mətbəxdə: salat, marinad və turşu hazırlığında

Təmizlikdə: dezinfeksiyaedici və təmizləyici vasitə kimi

Baxımda: dəri və saç üçün təbii qulluq vasitəsi

Bağçılıqda: alaq otlarının təmizlənməsində


Nəticə olaraq, ağ sirkə çoxyönlü və təbii məhsul olmaqla həm gigiyena, həm də baxım məqsədləri üçün rahatlıqla istifadə edilə bilər. Lakin istifadə zamanı düzgün nisbətlərə və fərdi dəri həssaslığına diqqət edilməlidir.шаблоны для dle 11.2