Ağdam, Füzuli və Xocavənd rayonlarında Bərpa, Tikinti və İdarəetmə Xidməti “Capital Group” MMC (VÖEN – 2005752931) ilə satınalma müqaviləsi imzalayıb.
Yeniavaz.com xəbər verir ki, müqavilə tender müsabiqəsi keçirilmədən, bir mənbədən satınalma metodu əsasında imzalanıb.
Qeyd edək ki, “Capital Group” Xidmətin sifarişi əsasında Xocavənd şəhərində fərdi yaşayış (20 ev – 3 366 m2) evlərinin təmiri işlərini həyata keçirəcək və qarşılığında 1 milyon 172 min 630 manat 34 qəpik alacaq.
Açıqlanan məlumatlardan da göründüyü kimi, bir ədəd fərdi yaşayış evinin təmiri üçün 58 min 632 manat xərclənəcək.
Məlumat üçün bildirək ki, nizamnamə kapitalı 20 manat olan “Capital Group” MMC 2019-cu ildə dövlət qeydiyyatına alınıb. Hüquqi ünvanı Xətai rayonu Məhəmməd Hadi ev 68 A, m. 9-da yerləşən MMC-nin qanuni təmsilçisi Hüseynov Rasim Nəcəfalı oğludur.
Məlumat üçün bildirək ki, bu müqavilə üzrə satınalma proseduru dövlət satınalmalarının vahid internet portalında keçirilməyib. шаблоны для dle 11.2