“Demirkol Group” Məhdud Məsuliyyətli Cəmiyyətinin dövlətə külli miqdarda vergi borcu yaranıb.

32gun.az xəbər verir ki, şirkətin borcu 677022,38 AZN təşkil edir.

Şirkət həmçinin Riskli vergi ödəyicisi kimi qeydiyyata alınıb.

Şirkətin nizamnamə kapitalı 10 manat, qanuni təmsilçisi Mirrəşid Abbasov Cabbar oğludur. Qeyd edək ki, adı keçən şirkət Türkiyənin məşhur Demirkol Group şirkətinə məxsusdur. Şirkət 1993-cü ildə ilk fəaliyyətinə mənzil layihəsi ilə başlamış, 1996-cı ildən isə logistika sahəsində yük daşımaları üzrə fəaliyyət göstərir.

Şirkətin mərkəzi ofisi və anbarı İstanbulda, digər rəsmi ofisləri isə Gürcüstan və Azərbaycandadır. Qarayolu daşımalarında komple və hissə-hissə yüklərin daşınmasını həyata keçirir. Türkiyə və Avropadan aldığı yükləri Azərbaycan, Gürcüstan, Qazaxıstan və Özbəkistan istiqamətinə daşıyır, həmçinin dünyanın hər yerinə hava kargolarını çatdırır.