Sosial şəbəkədə “Kristal”ın Park Yasamal layihəsində mənzildə beton çatlaması görüntüsü yayılıb. Tikintinin keyfiyyətində problem olduğu vurğulanıb. Şirkətdən bildirilib ki, "çat betonda deyil, qoruyucu qatdadır, ona görə də binanın keyfiyyətinə təsir etmir".

Qoruyucu qatda olan çat nədən yaranır? Bu çatın binanın keyfiyyətinə təsiri varmı?

Məsələ ilə bağlı Bizimyol.info xəbər portalına əmlak eksperti Elnur Azadov bildirib ki, qoruyucu qatda görünən çatlar zamanla aşınmadan əmələ gəlir.

“Qoruyucu qat binanın fasad hissəsidir. Adətən müxtəlif səbəblərdən zamanla aşınmadan bu kimi çatlar əmələ gəlir. Bu cür qüsurlar binanın heç cür dayanıqlılığına təsir etmir, amma başqa bir problem yarana bilər. Zamanla hər hansı bir binanın fasadından qopa bilən hissələr tökülərək kiməsə xəsarət yetirə bilər. Əgər bu vəziyyət hazırda tikilən binadadırsa, sözsüz ki, qırmızı xətdə olur, yəni tikinti ərazisi olduğuna görə müdaxilə etmək və keçmək olmaz”-deyə Elnur Azadov qeyd edib.