Naxçıvan Muxtar Respublikası təhsil nazirinin müavini Əli Vəliyev haqqında ilginc iddiaların yer aldığı məlumatlar əldə etmişik.

"DİA-AZ" xəbər verir ki, Əli Vəliyev 2017-ci ildə Naxçıvan Muxtar Respublikasının Təhsil Nazirinin müavini olarkən o dövrdəki Təhsil naziri Məmməd Qəribovu "zərbə altında qoyaraq" nazir olacağını düşünürdü.
Lakin Rəhman Məmmədov Nazir oldu. Əli Vəliyevə gəlincə isə o uyğunsuz hərəkətləri səbəbindən 2018-ci ildə vəzifədən uzaqlaşdırıldı. Sonra Əli Vəliyev Kəngərli rayonunda Qaz istismar idarəsinin müdiri vəzifəsinə təyin edilir. Orda da vətəndaşların və obyektlərin qaz sayğaclarını dəyişdirərək böyük qazanclar etməyə çalışıb. Lakin bunların da üstü açılandan sonra ordan da qovulub.

Nəhayət Vasif Talıbov dövrü bitəndən sonra Əli Vəliyev Naxçıvan şəhər icra hakimiyyəti yanında Ticarət və xidmət departamentinin direktoru vəzifəsinə təyin edilir.
Orda da Əli Vəliyev dinc durmur. Naxçıvan şəhərində yerləşən Obyektlərin elektrik sayğaclarını ayıraraq sahibkarlardan aylıq xeyli qazanc əldə etməyə başlamışdır. Eyni zamanda hərbiçi ailələrinin evlərinin özəlləşdirilməsi zamanı da hər evin satış qiymətinə 5-10 min bəzilərində daha çox pul əlavə edərək xeyli gəlir əldə etmişdir. Əli Vəliyevin bu işlərinin arxasında təbii ki Fuad Nəcəflinin müavini Samir Seyidəhmədli dayanır.
Nəhayət ki Əli Vəliyev yığdığı pulların bir qismini - deyilənə görə, 200 min manatı Samir müəllimə verərək yenidən Təhsil nazirinin müavini vəzifəsinə təyin edilib.
Hətta yaxın keçmişdə Xususi Nümayəndə Fuad Nəcəflinin 300 min manatdan baha aldığı avtomobil Bakı şəhərində yol qəzasında aldığı zədələrin təmir xərcləri 80 min manat tutmuşdur.
Həmin avtomobili də Samir Seyidəhmədlinin tapşırığı ilə Əli Vəliyev təmir etdirmişdir.
"DİA-AZ" qeyd edir ki, bütün bunlar heç də təkaraən Naxçıvan təhsil nazirliyinə dönməyi bacarmış Əli Vəliyevlə bağlı bilgilərin hamısı deyil və daha ciddi iddia və ittihamlar da var. Bu barədə növbəti yazılarımızda... Bizi izləməyə davam edin...