Dövlət Məşğulluq Agentliyi publik hüquqi şəxsi Lənkəran-Astara Regional Məşğulluq Filialı üçün ofis icarəsinin satın alınması ilə bağlı tender keçirib.

32gun.az xəbər verir ki, qalib Gülnarə Sultan qızı İbadova olub. O, 400 kvadratmetrlik ofis sahəsinin 36 ay müddətinə icarəsini 133.200 manatlıq təkliflə həyata keçirəcək.

Xatırladaq ki, bu ilin yanvar ayında da Dövlət Məşğulluq Agentliyi Gülnarə Sultan qızı İbadova ilə əməkdaşlıq edib. Həmin vaxt bu məqsədlə ona 1.499.299,8 manat ödənilmişdi.



Qeyd edək ki, Dövlət Məşğulluq Agentliyinin İdarə Heyətinin sədri Sadiq Əliyevdir.