Deputat bu universitetləri tənqid etdi - Səs-küylü açıqlama

Sosial (13-08-2024, 20:33)
Deputat bu universitetləri tənqid etdi - Səs-küylü açıqlama

“Hesab edirəm ki, tələbələr universiteti seçməkləri ilə fəxr etməlidirlər. Bunun üçün də universitetlərin və oradakı təhsilin keyfiyyəti ən yüksək səviyyədə olmalıdır”.

Bu fikirləri “Yeni Sabah”a deputat Ceyhun Məmmədov deyib. Millət vəkili bildirib ki, universitet tələbə onu seçdiyi üçün yox, tələbə universiteti seçməsinə görə fəxr etməlidir:

“Qarabağ Universiteti ilə bağlı vəziyyət isə bir qədər fərqlidir. Bu, yeni yaranan universitetdir və ora gəncləri dəvət etmək lazımdır. Mən çox istəyərdim ki, azərbaycanlı tələbələr xarici universitetlərə qəbul olunanda etdikləri paylaşımları Azərbaycan universitetləri barədə də etsinlər. Bu gün hamı xaricdə hansısa universiteti bitirməsi ilə fəxr edir. Biz bunu davamlı olaraq mediada, ayrı-ayrı strukturlarda da görürük. Ona görə də hesab edirəm ki, hər kəsin bu məsələdə və belə paylaşımlar etməkdə diqqətli olmasına ehtiyac var. Klinikalar

Elə bir universitet, təhsil sistemi qurmalıyıq ki, gənclərimiz orada təhsil alacaqlarına görə fəxr etsinlər. Fəxr etməlidirlər ki, mən Azərbaycanın filan universitetinə qəbul olmuşam. Buna görə də universitetlər öz üzərində işləməli, yeni ixtisaslar, yeni sahələr yaradılmalıdır. Həmçinin, ali təhsil ocaqlarının keyfiyyət və məzmunu qalxmalıdır”.

Millət vəkili deyib ki, Azərbaycanda bir neçə universitetdə təhsilə fərqli yanaşma var və onlar müəyyən uğurları ilə seçilirlər:

“Ancaq bununla iş bitmir, hələ qarşıda çox vəzifələr var. Həmin vəzifələr isə bundan ibarətdir ki, biz təhsilimizin məzmununu dəyişərək, keyfiyyətini artırmalıyıq.

Təəssüf ki, Azərbaycan universitetləri reytinqə görə 1000-dən yuxarıdakı sıralamadadır. Bu anlamda da biz belə məsələlərdə diqqətli olmalıyıq ki, övladlarımıza daha yaxşı təhsil bəxş edə bilək. Ona görə də, ali təhsil ocaqlarımız dünya reytinqlərində irəliləməli, ən yaxşı universitetlər sırasına düşməlidirlər. Çalışmalıyıq ki, nəinki yerli, həmçinin, xarici tələbələr də Azərbaycan universitetlərində təhsil aldıqları üçün fəxr etsinlər. Eyni zamanda biz də universitetlərimizin irəlidə olduğunu görüb qürurlanaq”.

Sosial (13-08-2024, 20:33) Deputat bu universitetləri tənqid etdi - Səs-küylü açıqlama

Sosial (13-08-2024, 20:33)
Deputat bu universitetləri tənqid etdi - Səs-küylü açıqlama