Mediatv.az  xəbər verir ki, qəsəbələrdə asfalt örtüyü olmayan küçələrdə, həmçinin uzun müddət əsaslı şəkildə təmir olunmayan yollarda asfaltlanma işləri aparılır, piyadaların rahat və təhlükəsiz hərəkətlərini təmin etmək üçün səkilər tikilir, yol kənarlarına yaşıllıqlar salınır. Eləcə də sutkanın qaranlıq saatlarında işıqlandırmanı təmin etmək məqəsədi ilə yeni işıq dirəkləri quraşdırılır və ya bərpa olunur.Sürətlə abadlaşan Əmircan qəsəbəsində də genişmiqyaslı abadlıq-quruculuq layihəsi çərçivəsində asfaltlama işləri aparılır. Qeyd edək ki, hazırda Həmid Axundlu, Əvəz Verdiyev və İsrafil Quliyev küçələrində asfalt örtüyü salınır, bordür düzülərək piyadalar üçün səkilər qurulur, eləcə də yenidən qurulan yolların ətrafının estetik görünüşünün yaxşılaşdırılması məqsədi ilə yerüstü kommunikasiya xətləri yenilənərək nizamlanır və yerin altına salınır.

Həmçinin, rayon ərazisində asfaltlanmasına ehtiyac olan digər küçələrdə də bu işlər mərhələli şəkildə aparılır.