Beynəlxalq axtarışa verilmiş şəxs Ukraynadan Azərbaycana ekstradisiya edilib.
Bu barədə Axar.az-a Baş Prokurorluğun mətbuat xidmətindən məlumat verilib.
Bildirilib ki, "Ekstradisiya haqqında" 1957-ci il tarixli Avropa Konvensiyasının tələblərinə uyğun olaraq Azərbaycan vətəndaşı Ələkbərov Əbülfət İbrahim oğlunun ekstradisiyası haqqında Baş Prokurorluğun vəsatətini Ukrayna Baş Prokurorunun Ofisi təmin edib. Əbülfət Ələkbərovun təkrar törədilməklə qanunsuz olaraq narkotik vasitələri satma cinayət əməlini törətməsinə əsaslı şübhələr müəyyənləşdirildiyindən, o, Astara Rayon Polis Şöbəsinin istintaq bölməsi tərəfindən təqsirləndirilən şəxs qismində cəlb edilib və istintaqdan qaçıb gizləndiyinə görə beynəlxalq axtarışa verilib.
Avqustun 11-də Ədliyyə Nazirliyinin Penitensiar Xidmətinin xüsusi konvoyunun müşayiəti ilə həmin şəxs Ukraynadan ölkəmizə gətirilib.шаблоны для dle 11.2