Məhkəmənin keçmiş hakim DSMF-də özbaşınalığın qurbanıdır...

Sosial / Slayd / Redaktor seçimi (25-06-2023, 11:55)
Məhkəmənin keçmiş hakim DSMF-də özbaşınalığın qurbanıdır...

20 il hakim olmuş Ülvi Mayılov indi özü yarım ilə yaxındır ki, məhkəmə yollarındadır. Səbəb ona verilən pensiyanın bir müddət sonra azaldılmasıdır və o, yenidən pensiyasının artırılmasını istəyir.

Ülvi Mayılov 2000-2007-ci illərdə 1 saylı Yerli İqtisad Məhkəməsinin, 2007-2020-ci illərdə isə Bakı Apellyasiya Məhkəməsinin hakimi olub. 2020-ci ildə - 65 yaşında pensiyaya göndərilib.

Dediyinə görə, pensiyası əvvəlcə normal qaydada hesablanıbmış, məbləğ də onun ürəyincəymiş, ancaq sonradan azaldıblar.

Ülvi Mayılov deyir nəyə əsaslanıb onun pensiya kartına 6 min 148 manat köçürülür onu anlamır və vurğulayır ki, öz hesablamasına görə, pensiyası 7 min 342 manat olmalıdır.

Keçmiş hakim məhkəməyə qədər Dövlət Sosial Müdafiə Fondunun rəhbərliyinə daxil olan şəxslərlə də dəfələrlə görüşüb, ancaq nəticəsi olmayıb.

Daha sonra Bakı İnzibati Məhkəməsinə üz tutub. Bu instansiya onun iddiasını təmin edib. Qərardan narazı qalan Dövlət Sosial Müdafiə Fondu apellyasiya şikayəti verib. Fondun Ülvi Mayılova qarşı bu şikayətinə elə onun 13 il hakimlik etdiyi Bakı Apellyasiya Məhkəməsində baxılıb.

Fondun nümayəndəsi məhkəmədə deyib ki, Ülvi Mayılovun pensiyası əvvəl yanlış hesablanıb və nəticədə ona alacağından artıq məbləğ ödənilib.

Nümayəndə bildirib ki, “Əmək pensiyaları haqqında” qanuna görə, keçmiş hakimə veriləcək aylıq məbləğ son iki ildəki orta aylıq əməkhaqqının 65 faizi miqdarında hesablanmalıydı, ancaq bu halda 80 faizlə hesablanıb. Nəticədə ona öncə daha çox pensiya verilib:

“Sonradan Bakı Apellyasiya Məhkəməsinə sorğu verilib. Son 24 ayın əməkhaqqı cədvəli alınıb və onun əsasında yenidən hesablanma aparılaraq, yekun məbləğ təyin edilib”-Fond nümayəndəsi bildirib.

Amma Bakı Apellyasiya Məhkəməsi də bu məsələdə keçmiş hakimi haqlı sayıb və Fondun şikayəti təmin olunmayıb.

Ülvi Mayılov hakim kimi fəaliyyət göstərdiyi 20 il ərzində əsasən mülki xarakterli məhkəmə mübahisələrinə baxıb.

“Azadlıq” qəzetinin uzun illər yerləşdiyi Xaqani 33 ünvanındakı redaksiyasından çıxarılması haqda qərarı da o verib. Həmin vaxt bir neçə saat ərzində məhkəmədə həm hazırlıq iclası keçirilib, həm araşdırma aparılıb, həm də qərar qəbul edilib. Ertəsi gün “Azadlıq” qəzeti, Azərbaycan Xalq Cəbhəsi Partiyası (AXCP) və “Turan” informasiya agentliyi həmin binadan çıxarılıb.
Azadlıq Radiosu

Sosial / Slayd / Redaktor seçimi (25-06-2023, 11:55) Məhkəmənin keçmiş hakim DSMF-də özbaşınalığın qurbanıdır...

Sosial / Slayd / Redaktor seçimi (25-06-2023, 11:55)
Məhkəmənin keçmiş hakim DSMF-də özbaşınalığın qurbanıdır...