Döyüşlərdə böyük şücaət göstərən Tofiq Hüseynov sonda qumbara ilə özünü partladaraq 10 nəfərə yaxın ermənini də məhv edib 

Azərbaycanın Milli Qəhrəmanının oğluna yüksək vəzifə verilib. Yasamal Rayon Polis İdarəsinin 29-cu polis bölməsin rəis müavini Murad Hüseynovdaxili işlər naziri Ramil Usubovun əmri ilə elə həmin rayonun 26-cı polis bölməsinin rəisi təyin olunub.

"Mediatv.az" milli.az-a istinadən xəbər verir ki, M.Hüseynov Xocalı uğrunda gedən döyüşlərdə canını qurban vermiş Milli Qəhrəman Tofiq Hüseynovun oğludur. Xocalı şəhərində anadan olmuş T. Hüseynov hərbi hazırlıq müəllimi işləyib, kapitan rütbəsinə qədər yüksəlib. O, 1991-ci ildə Xocalı özünü müdafiə taborunun komandiri olub, “Mixaylo” ləqəbi ilə tanınıb. Döyüşlərdə böyük şücaət göstərən T.Hüseynov 1992-ci il fevralın 26-da Xocalının işğal günü düşmənlə sona qədər vuruşub, sonda qumbara ilə özünü partladaraq 10 nəfərə yaxın ermənini də məhv edib. Onun həyat yoldaşı da Qarabağ dyüşlərində şəhid olub.