Rusiyanın Cənubi Qafqazdan birdəfəlik çıxması mümkündür?

Siyasət / Slayd (9-06-2023, 09:19)
Rusiyanın Cənubi Qafqazdan birdəfəlik çıxması mümkündür?

Qarabağ ətrafında cərəyan edən proseslərin yekunlaşmamasının səbəbi ilə bağlı bir sıra versiyalar səsləndirilir. Bəzi ekspertlər hesab edirlər ki, Rusiyanın Cənubi Qafqazdan birdəfəlik çıxması bu problemin həll edilməsi ilə nəticələnəcək.

Bəs indiki geosiyasi şərtlər altında Rusiyanın Cənubi Qafqazdan çıxması mümkün görünürmü?

Mediatv.az bildirir ki, mövzunu Poliqon-un əməkdaşı AĞ Partiya mərkəzi aparatının rəhbəri, siyasi-şərhçi Kamran Məmmədli ilə müzakirə edib.

Rusiyanın bu bölgədə hakim olduğu illərdə biz yalnız müharibələr, münaqişələr və qan gördüyümüzü vurğulayan politoloq bu baxımdan Rusiyanın artıq əvvəlki Rusiya deyil və onların Qafqazdan tamami ilə çıxması ənın da yaxın gələcəkdə real görsəndiyini bildirib:

“Bildiyiniz kimi, Rusiya Ukraynaya hücum etməsi ilə bütün dünyadan təcrid edildi. Hərbi və iqtisadi gücünü itirməklə, nüfuzuna da xeyli zərbə dəymiş oldu. Dünyadan təcrid edilmiş, sanksiyalar altında qalan Rusiyanın eyni zamanda, Cənubi Qafqazdakı dayaqlarıda günü-gündən zəifləməkdədir.

Artıq Ermənistan da bu reallıqları qəbul edərək özünə yeni ağa axtarışındadır. Gürcüstan isə üzünü qərbə doğru artıq çoxdandan tutub. Azərbaycanda qardaş Türkiyə ilə çiyin-çiyinə dayanmaqdadır. Artıq 90-cı illərdə olduğu kimi Rusiya cənubi Qafqazda istədiyini edə bilmir. Azərbaycan Gürcüstan və Ermənistandan fərqli olaraq Rusiyadan torpaq itirərək deyil , əksinə 30 il ərzində işğal altında olan torpaqlarını geri alaraq ayrılır. Əzilmiş halda deyil, qalib olaraq müstəqil siyasətini yürüdür.

Bunu son illərdə Azərbaycan dövlətinin apardığı uğurlu xarici siyasətin nəticəsi olaraq da qiymətləndirə bilərik. Xarici siyasətlə yanaşı dövlətimiz daxildə də Rusiya agentləri ilə xeyli mübarizə aparırdı. Rusiyanın Azərbaycanda yerləşdirdiyi oliqarx-komunist 5-ci kolonuda artıq demək olar ki, zərərləşdirilib.

Bütün bunların fonunda bölgədə R.T.Ərdoğanın başçılığı ilə güclənən Türkiyə görürük. Türkiyənin günü gündən artan nüfuzu, Rusiyanın isə paralel düşüşü Ermənistanı da düşünməyə məcbur edir. Bunun nəticəsi olaraq uzun illərdən sonra Ermənistanın baş naziri Nikol Paşinyan ilk dəfə açıq ifadələrlə Qarabağı Azərbaycanın ərazisi kimi tanıdı və paralel olaraq Türkiyəyə Ərdoğanın and içmə mərasiminə qatıldı.

Hesab edirəm ki, Cənubi Qafqazdan Rusiyanın kənarlaşdırılması hamı üçün xeyirlidi. Rusiyanın bu bölgədə hakim olduğu illərdə biz yalnız müharibələr, münaqişələr və qan gördük. Bu baxımdan hesab edirəm ki, Rusiya artıq əvvəlki Rusiya deyil və onların Qafqazdan tamami ilə çıxması da yaxın gələcəkdə real görsənir”.

Siyasət / Slayd (9-06-2023, 09:19) Rusiyanın Cənubi Qafqazdan birdəfəlik çıxması mümkündür?

Siyasət / Slayd (9-06-2023, 09:19)
Rusiyanın Cənubi Qafqazdan birdəfəlik çıxması mümkündür?