“Rusiya mərkəzi banklarının maliyyə əməliyyatlarında iştirakının qarşısını almaq, onların maliyyə sistemini məhv etmək üçün sanksiyalar tətbiq etməyə davam edəcəyik. Biz Rusiyanın texnologiyaya, iqtisadi gücə çıxışını kəsməyə çalışırıq ki, onların silahlı qüvvələri də bir o qədər zəif olsun”.

“Qafqazinfo” xəbər verir ki, bunu ABŞ Prezidenti Co Bayden Konqresdəki çıxışında bildirib.

Bayden qeyd edib ki, ABŞ Ədliyyə Nazirliyi tərəfindən rus oliqarxların yaxtaları, dəbdəbəli mənzillərini, əmlakları da müsadirə olunacaq.

O, ABŞ-ın hava məkanının Rusiya təyyarələri üçün bağlanacağını da bildirib.

“Bu gün mən elan edirəm ki, biz tərəfdaşlarımızla qüvvələrimizi birləşdirəcəyik və Rusiya hava məkanından tamamilə təcrid olunacaq. O, sivil dünyanın bütün faydalarından təcrid olunacaq. Biz Rusiyanı incidirik və Ukrayna xalqını dəstəkləyirik. Putin indi həmişəkindən daha çox dünyadan təcrid olunub. Müttəfiqlərimizlə birlikdə hazırda güclü iqtisadi sanksiyalar tətbiq edirik”, - Bayden qeyd edib.