Mediatv.az xəbər verir ki,Türkiyənin hazırkı prezidenti Rəcəb Tayyib Ərdoğan sosial şəbəkələrdə prezident seçkilərinin ikinci turunda "daha böyük qələbə" hədəflədiyini bildirib.
“Biz (birinci mərhələdə) təxribatsız, təzyiqə məhəl qoymadan, ümidsizliyə qapılmadan, çətinliklər qarşısında təslim olmadan mübarizə apardıq... İndi mayın 14-də əldə etdiyimiz uğuru daha böyük qələbə ilə taclandırmağın vaxtıdır”.
O, həmçinin qeyd edib ki, öz komandası ilə birlikdə mayın 28-də keçiriləcək seçkilərə artıq hazırlıqlara başlayıb.
Bundan əvvəl Türkiyə Mərkəzi Seçki Komissiyasının rəhbəri Əhməd Yener respublikada prezident seçkilərinin ikinci turunun mayın 28-də keçiriləcəyini bildirmişdi.
Mayın 15-də səhər saatlarında Türkiyənin hazırkı prezidenti Rəcəb Tayyib Ərdoğanın respublikada keçirilən prezident seçkiləri zamanı bülletenlərin 100 faizinin işlənməsi nəticəsində 49,35 faiz səs topladığı, onun rəqibi Kamal Kılıçdaroğlunun isə - 45% səs topladığı bildirilir.шаблоны для dle 11.2