“Ermənilər hər gün təxribat törədir, Azərbaycanı da təxribata çəkmək istəyirlər. Amma Azərbaycan tərəfi hələ ki, ehtiyatlı və səbrli davranış nümayiş etdirir. Bunun da səbəbi odur ki, Brüssel prosesi başlayıb, sülh üçün razılaşması var, sülh razılaşmasının ilkin layihəsi hazırlanır və bunlar yaxın dövrdə ümumi müzakirəyə çıxarılmalı, noyabrda iki ölkə rəhbərinin müzakirəsinə təqdim edilməlidir”.

Mediatv.az xəbər verir ki, bunu Reyting.az-a professor Qabil Hüseynli deyib.

Q. Hüseynlinin fikrincə, məhz bu nöqteyi- nəzərdən Azərbaycan tərəfi səbrlə hərəkət edir, vəziyyəti gərginləşdirmək məqsədilə əl-qolunu çırmalayan başıpozuqların üzərinə getmək istəmir: “Bu səbəbdən “Qisas-2”, “Qisas-3” kimi lokal xarakterli anti-terror əməliyyatlarını keçirməyə tələsmir”.

Q. Hüseynli diqqətə çatdırıb ki, əgər vəziyyət təhlükəli həddə çatarsa, sülhyaratma prosesinə baxmayaraq, Azərbaycan yeni qisas əməliyyatı keçirə bilər: “Bu, həm də Qarabağın dağlıq hissəsinə daxil olan Ruben Vardanyanın gəlməsi ilə də bağlıdır. Məncə, Azərbaycan tərəfinin əsas hədəflərindən biri bu tipi və dələduzu sıradan çıxarmaqdır. Bu iş Azərbaycan xüsusi qüvvələrinin qarşısında duran vəzifələrdən biridir və günün birində mütləq həyata keçiriləcək”.

Q. Hüseynli hərbi əməliyyatları qətiyyən istisna etmir: “Mümkündür ki, hətta sülhyaratma prosesindən, sülh müqaviləsi imzalandıqdan sonra da sərhəddə müxtəlif formada qarşıdurmalar bir müddət davam etsin. Amma bu, genişmiqyaslı əməliyyat mənasını vermir”.

Professor əlavə edib ki, hazırda Azərbaycan Ordusu Qarabağda strateji yüksəkliklərə nəzarət edir. Bu səbəbdən də separatçıların və Ermənistan ordusunun Qarabağın dağlıq hissəsində qalan tör-töküntülərinin qeyri-adi addımlar atması çətindir.шаблоны для dle 11.2