Elm və Təhsil Nazirliyi bir mənbədən satınalma metodu ilə müqavilə imzalayıb.
"DİA-AZ" xəbər verir ki, tenderin predmeti 2025-2026-cı tədris ilinin yaz semestrində ali təhsildə yüksək texnologiyalar üzrə təlimlərin keçirilməsidir. Müqavilənin məbləği 1 470 280 manat təşkil edir.
Müqavilə “Code” Məhdud Məsuliyyətli Cəmiyyəti (VÖEN – 1403153271) ilə bağlanıb.
Məlumat üçün bildirək ki, sözügedən şirkət bundan əvvəl Nazirliyin 2025-2026-cı tədris ilinin payız semestrində yüksək texnologiyalar üzrə təlimlərin keçirilməsi ilə bağlı 25 sentyabr 2025-ci il tarixində keçirdiyi 1 444 910 manatlıq tenderin də qalibi olub.
Qeyd edək ki, "Code" MMC 9 iyul 2015-ci ildə dövlət qeydiyyatına alınıb, 10 manat nizamanmə kapitalına malikdir. Qanuni təmsilçisi Aslanov Ülvi İlqar oğludur. Hüquqi ünvanı AZ1010, BAKI ŞƏHƏRİ NƏSİMİ RAYONU, NİZAMİ, ev.129E, MƏHƏLLƏ 705-dir.шаблоны для dle 11.2