Azərbaycan Respublikasının Prezidenti Cənab İlham Əliyevin həyata keçirdiyi daxili və xarici siyasətin təbliği Xaçmaz  rayon İcra Hakimiyyətinin başçısı cənab Elnur Rzayevinin apardığı ideoloji işin başlıca istiqamətini təşkil edir.Pandemiya şəraitində Xaçmaz rayonu üzrə əsas sosial-iqtisadi göstəricilər,o cümlədən ümumi məhsul buraxılışının həcmi ,sənaye məhsullarının,tikinti işlərinin, əsas kapitala yönəldilən investisiyaların həcmi,rabitə xidməti, ticarət artmışdır. Əhaliyə göstərilən  xidmətlərin həcmində, pərakəndə əmtəə dövriyyəsində artım müşahidə olunmuşdur.Əhalinin,şəhid ailələrinin,qazilərin sosial-məişət problemlərinin öyrənilməsi, bilavasitə yerində həll edilməsi, icra orqanları və digər yuxarı təşkilatlarla əhali arasında daha sıx ünsiyyət yaradılması üçün mütəmadi keçirilən görüşlərin böyük səmərəsi olur.Rayon rəhbəri Vətən müharibəsində torpaqlarımızın işğaldan azad olunması istiqamətində hərbi əməliyyatlarda yaralanan döyüşçülər və ailələri ilə tez-tez görüşür, onların problemləri ilə maraqlanır, ehtiyaclarını öyrənir,sosial problemlərinin həllini daim diqqət mərkəzində saxlayır.Görüş zamanı əsgər və zabitlərimizin qəhrəmanlığından söz açılır,Vətən müharibəsi iştirakçılarının döyüş təəssüratları dinlənilir, döyüşlərdə əsgər və zabitlərimiz arasındakı yüksək əhval-ruhiyyədən, qələbə əzmindən bəhs edirlər, rəşadətli ordumuzun döyüşlərdə əldə etdiyi uğurlar barədə danışılır. Qarabağ müharibəsi zamanı şəhid olan vətən  oğullarının doğum günü  məzarları icra başçısının rəhbərliyi altında ziyarət olunur,şəhidin ruhuna dualar oxunur, əziz xatirəsi ehtiramla yad edilir, sonra isə şəhidin evinə gələrək onun ailə üzvləri ilə görüşüb, qayğıları, problemləri ilə maraqlanırlar.Şəhid ailələri,qazilər və onların ailə üzvləri göstərilən diqqətə görə Prezident  İlham Əliyev və Birinci vitse-prezident Mehriban Əliyevaya minnətdarlıqlarını ifadə ediblər, rayon rəhbərliyinə və rayon ictimaiyyətinə təşəkkür edirlər. Bütün məsələlərə diqqətlə yanaşılır və müvafiq tədbirlər görülür. 

Mediatv.az xəbər verir ki RİH başçısı cənab Elnur Rzayev  dövlət başçısının tapşırığına əsasən digər vətəndaşlarla da online görüş-qəbullar keçirir, vətəndaşlar tərəfindən qaldırılan məsələlərin, verilən təkliflərin icrası məqsədilə aidiyyatı üzrə idarə rəhbərlərinə müvafiq tapşırıqlar verir. Elnur Rzayev yüksək səmimiyyət şəraitində keçirilən belə görüşlərdə ölkə Prezidenti cənab İlham Əliyevin rəhbərliyi altında müstəqil Azərbaycan dövlətinin ildən-ilə daha da inkişaf edərək dünyada nüfuzunun artdığını, ordu quruculuğu sayəsində əldə olunan nailiyyətləri,44 günlik müharibədə Qarabağ torpaqlarının işqaldan azad olundugunu, əhalinin həyat səviyyəsinin dayanmadan yüksəldiyini qeyd edir. Rayon rəhbəri çıxışlarında Azərbaycan Respublikası Prezidenti cənab İlham Əliyevin apardığı uğurlu daxili və xarici siyasət sayəsində torpaqlarımızın yağı düşməndən azad olunduğunu xüsusi qeyd edir.Online qəbullarda bütün vətəndaşların müraciətləri dinlənilir. Müraciətlərlə bağlı aidiyyəti üzrə konkret tapşırıqlar verən Elnur Rzayev  məsələlərin aidiyyəti qurumlar tərəfindən nəzarətə götürülməsinə göstəriş verir. Qəbullarda iştirak edən rayon sakinləri onların müraciətlərinə diqqətlə yanaşıldığına görə, RİH başçısına öz minnətdarlıqlarını bildirirlər.Bundan əlavə  ötən dövr ərzində ərzində görülmüş işlərlə bağlı statistik məlumatlar onu göstərir ki, nəzərdə tutulan tədbirlər yerinə yetirilib və uğurlar hər bir sahədə əldə olunub. Bütün bunlar isə makroiqtisadi sabitliyin qorunmasına, məhsul istehsalının artmasına əsaslı zəmin yaradır.