Müğənni Röya Ayxanın “Mənəm” adlı solo konserti ilə bağlı yeni xəbər yayılıb. 

Axşam.az-ın məlumatına görə, sənətçi səhnə dekorasiyasına xərclədiyi məbləği açıqlayıb. Röya “Xəzər” telekanalında yayımlanan “Telemaqazin” verilişində səhnədəki işıqlara 250 min manat xərc çəkdiyini bildirib: 

“Bu işıqları Azərbaycanda ilk dəfə mən etdim. 250 min manat xərc çəkmişəm. Bu, yarım milyonun yarısıdır, az pul deyil. Hər zaman arzum idi, sarayda elə bir dekorasiya qurum ki, bütün səhnə bağlansın, bunu da etdim”. 

R. Ayxan solo konsertdə üç yeni mahnısını təqdim edib: “Əslində, dörd mahnı təqdim edəcəkdim. Amma birinin aranjimanı hazır olmayıb deyə, çatdırmadım. Murad Arifin “Ona nə var”, Sevinc xanımdan Latın Amerika stilində olan “Sevgilim, səni atdım” və Pərviz Mahmudovun “Mən sənsiz” adlı bəstələrini ilk dəfə konsertdə oxudum”.