“Mənə pis təsir edib, kaş olmazdı. Geyim mənə məxsusdur, özüm bilərəm. Xarici ölkələrə gedəndə uzun geyinməyəcəyəm ki... Bundan sonra da istədiyimi geyinəcəyəm. Bədən ölçülərim buna uyğundur. Öz dünyam var, heç kim ona qarışmasın. Gedib öz ailəsinə qarışsın”.

Mediatv.az-ın Axşam.az-a istinadla məlumatına görə, bu sözləri Xalq artistiMəleykə Əsədova son günlər qalmaqal yaşadığı həmkarı Ramiz Məlikin ünvanına deyib.

“5/5” verilişinə zəng edən aktrisa onu təhqir edən həmkarını bağışlamayacağını deyib. Əsədova bildirib ki, R.Məlikin üzr istəməsi heç nəyi dəyişməyəcək: “Mənim qızımla balaca dünyam var. Mənə şər atmaq, yalan danışmaq olmaz. Teatr kollektivi mənim xətrimi çox istəyir. Mən özümə hörmət qazanmışam. Şəklimə fikir bildirib. Özü də məni teatrda bir gün əvvəl görüb, xoş sözlər deyib. Mən özümdən böyüklərə hörmətlə yanaşıram. Hər şeyi bağışlayaram, anam, qürurum, qızıma əl uzadanı ömrüm boyu bağışlamaram. Qürurum milyardlar, milyonlar, sənətimdən belə üstündür. Bilirsiniz, niyə bu qədər zəngin görünürəm? Çünki heç kimin qarşısında əyilmirəm. Bircə Allahın qarşısında əyilirəm.

Vəkilim var, bu işlərlə o məşğul olur. Ailəmə, anama-atama söz deyilməsini bağışlamayacağam. Valideynimin ruhuna xələl gətirtmərəm. Hər kəs bilir ki, anam necə qadın olub. Bu söhbət bitdi, bağışlamayacağam”.

Qeyd edək ki, iki həmkar arasında mübahisəyə səbəb aktrisanın sosial şəbəkədə paylaşdığı fotoşəkillər olub. Fotoları görən aktyor həmkarına həmin şəkillərlə özünü, ona verilən fəxri adı və teatr kollektivini biabır etməməyi məsləhət görüb. Məlik daha sonra Əsədovanın ünvanına “Fahişə elə fahişədir. Səni bütün Azərbaycan tanıyır. Mənim ağzımı açmasın. Hər şeyi çox yaxşı bilirəm. Tərbiyəsiz sənsən. 6 yaşın olanda atan ananı fahişəliyinə görə atıb getdi. İstəyirsən, bunları mən deyim?”, - sözlərini deyib.