Bu barədə İqtisadiyyat.az Ağdam, Füzuli və Xocavənd rayonlarında Bərpa, Tikinti və İdarəetmə Xidmətindən məlumat əldə edib.

Məlumata görə, qurum Xocavənd şəhərində 30 fərdi yaşayış evinin təmiri işlərinin icrasını “Layihə Bərpa Tikinti” şirkətinə həvalə edib və onunla müqavilə bağlayıb.

Müqaviləyə əsasən, ümumilikdə 5700 kvadrat metr sahəyə malik 30 evin təmiri 2 milyon manata başa gələcək.

Bundan əlavə, Xocavənd kəndində ümumilikdə 9500 kvadrat metr sahəyə malik 50 evin və Quzeyxırman kəndində ümumilikdə 14820 kvadrat metr sahəyə malik 78 evin təmir işlərinə isə 8,5 milyon manat sərf olunacaq. Bərpa, Tikinti və İdarəetmə Xidməti bununla bağlı “Az-Caspian Construction” şirkəti ilə müqavilə bağlayıb.