Dünən xalq artisti Səməd Səmədovun həmkarı Sevda Əliqızı barədə söylədiyi ”O, keçən il ərə gedib. Ona xeyir duanı mən vermişəm” sözləri cavabsız qalmayıb. 

“Qafqazinfo” xəbər verir ki, lent.az-a açıqlama verən Sevda Əliqızı keçmiş duet ortağını “ağ yuyub, qara sərib”: 

“Bağla da ağzını! Bəsdir, qatıq-qatıq söhbətlər danışdın. Ayıb deyil? Ümumiyyətlə mənim şəxsi həyatım barədə danışmağa sənə kim imkan verib? Kişiyə yaraşar ki, mənim ailə məsələmi danışır? O, dediyi sözlərə görə zəng edib məndən üzr istədi. Dedi ki, “Bilmədim ki, canlı efirdir. Yoxsa deməzdim”. O, danışdı, indi söhbət oğluma çatıb. İndi də oğlum evi dağıdır ki, bu nə söhbətdir? Mən Səməd barədə çox şey danışa bilərəm. Duetdən qurtardın, indi keçdin şəxsi həyata? Sənin qızın 4 dəfə ərə gedib. Gör heç haçansa ağzımı açıb deyirəm? Ayıbdır. Kimə ərə gedib? Almana, İngilisə, Türkə gedib. Bu mənim nəyimə lazımdır? O sənə aid olan bir şeydir. Səndən fərqli olaraq mən efirdə sənlə və mənlə bağlı söhbətləri danışmışam. Vəssalam. Sən niyə mənim şəxsi həyatıma müdaxilə edirsən axı? Bu gündən artıq bu söhbəti bağladım. İndən belə heç kim məni Səmədə görə narahat eləməsin. Onun barəsində mənə sual verməyi qadağa edirəm”. 

 Qeyd edək ki, S.Səmədov ötən gün telekanalların birinə telefon bağlantısı yaradaraq bildirib ki, ayrıldığı 15 illik duet ortağı S.Əliqızı ailə həyatı qurub. S.Səmədovun sözlərinə isə S.Əliqızı bu cür cavab verib: “Mən ailə qurmamışam. Sən kimsən ki, mənə xeyir-dua verirsən? Mənim anam, oğlum var. Sənin mənim ailəmlə işin olmasın. Yavaş-yavaş çaşırsan. Mən səninlə qurtarmışam. Arxadan atılan daş topuğa dəyər. Mənim sənə hörmətim də yoxdur”.