M.Xanlarova bildirir: "Lakin kollektiv bu qərarla qətiyyən razı deyil. Ansamblın əməkdaşları deyirlər ki, onların öz aralarında bu vəzifəyə layiq, illərin təcrübəsinə malik və kollektivin sənət prinsiplərini dərindən bilən namizədlər var. Onların fikrincə, təcrübəsiz bir gəncin bu qədər böyük və köklü bir kollektivə bədii rəhbər kimi gətirilməsi tamamilə gülünc və qeyri-ciddi addımdır. Kənardan namizəd gətirilməsi ansamblın illərlə oturuşmuş iş mühitini pozacaq və mövcud potensialın dəyərləndirilməməsi kimi qəbul ediləcək.

Kollektiv hesab edir ki, belə bir məsul vəzifəyə təyinat şəffaf şəkildə, ansamblın daxili imkanları nəzərə alınmaqla həyata keçirilməlidir.

Əgər Fərəh Əliyeva sənət kollektivlərinin iradəsini heçə sayıb yenə şəxsi maraqlarını üstün tutacaqsa, bu artıq mədəniyyətə xidmət deyil, birbaşa zərbədir. Filarmoniyanın nüfuzu şəxsi “mələk layihələri”nin qurbanına çevrilməməlidir..."