Bacısı qızını qaçıranı öldürdü - MƏHKƏMƏ

Ana səhifə Bizimlə əlaqə

70 kiloqram qızılla tutulan diplomat sabiq komitə sədrinin qardaşıdır

Sabiq deputat borcları qaytarmaq üçün çabalayır

ARB-nin 5 mərtəbəli studiya binası hansı məmura məxsusdur

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Bakıda maraqlı boşanma: Milyoner cütlüyün toydan bir ay sonrakı DAVASI

Kriminal (6-02-2019, 13:30)
Bacısı qızını qaçıranı öldürdü - MƏHKƏMƏ

Gəncə şəhərində bacısı qızını qaçırdığı üçün 20 yaşlı gənci öldürən Daşkəsən rayon sakini Bahadur Qasımovun cinayət işi üzrə məhkəmə başlayır.
Mediatv.az-ın xəbərinə görə, cinayət işi Gəncə Ağır Cinayətlər Məhkəməsində hakim Faiq Mahmudovun icraatına araşdırılacaq.
Məhkəmənin hazırlıq iclası fevralın 18-nə təyin edilib.
Qeyd edək ki, qətl hadisəsi ötən ilin sentyabrın 14-də baş verib.
Belə ki, qətl hadisəsindən bir müddət əvvəl Daşkəsən rayon Almalı kənd sakini, 20 yaşlı Asəf İsayev evlənmək məqsədilə Şəmkir rayonundan olan qızı qaçıraraq Daşkəsən şəhərində yaşayan nənəsigilə aparıb. Daha sonra qızın valideynləri ora gedərək mübahisə ilə qızı geri qaytarıblar. Lakin Asəf İsayev qızın ailəsinə biri-birini sevdiyini bildirərək, onların razılıqlarını almaq istəyib. Amma qarşı tərəf yenə rədd cavabı verib. Asəf İsayev əvəzində qızı yenə qaçıracağını deyib.
Məsələyə qızın Şəmkir rayonunun Tatarlı kəndindən olan 39 yaşlı dayısı Bahadur Qasımov qarışıb və oğlana onunla Gəncə şəhərində görüşüb, söhbət etmək istədiyini bildirib. Nəticədə, onlar görüşüblər. Bahadur Qasımov söhbətə gələn Asəf İsayevi Gəncə şəhəri, Ziya Bünyadov küçəsi, 77 ünvanında yerləşən qardaşına məxsus evə aparıb və orada aralarında mübahisə düşüb. Bu zaman Bahadur Qasımov onun boğazını kəsərək qətlə yetirib. O, daha sonra yaşadığı Şəmkir rayonuna gedib.
Bir neçə gündən sonra isə Şəmkir rayon polis şöbəsinə gedərək törətdiyi cinayəti etiraf edib və könüllü şəkildə təslim olub.
Hüquq-mühafizə orqanlarının əməkdaşları Asəf İsayevin meyitini hadisənin qeydə alındığı ünvanda aşkar edərək onu tibbi ekspertizaya təhvil veriblər. Bu ərəfələrdə öz övladlarından xəbər ala bilməyən Asəf İsayevin yaxınları onun axtarışında olublar.
İstintaq orqanı tərəfindən Bahadur Qasımovun barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.