Bu gün Bakı Hərbi Məhkəməsində ləğv edilmiş Milli Təhlükəsizlik Nazirliyinin (MTN) Antiterror Mərkəzinin sabiq rəisi, general-mayor Elçin Quliyev və həmin Mərkəzin əməkdaşı, polkovnik Azər Mehdiyevincinayət işi üzrə məhkəmə iclası davam etdirilib.

Mediatv.az Report-a istinadən xəbər verir ki, prosesdə Azər Mehdiyev son söz deyib. O, günahsız olduğunu bildirib. A.Mehdiyev qeyd edib ki, iş adamı Maqsud Mahmdovun işinə görə tutulub: "Günahsızam, barəmdə bəraət hökmünün çıxarılmasını istəyirəm".

Daha sonra son sözlə çıxş edən Elçin Quliyev də günahsız olduğunu deyib, barəsində bəraət istəyib.

Hakimlər kollegiyası müşavirə otağına yollanıb, yaxın günlərdə hökm oxunacaq. Hökmün oxunacağı tarix bəlli deyil.