Şamaxı rayon sakinini qətlə yetirməkdə şübhəli bilinən şəxs tutulub.

Mediatv.az-a Daxili İşlər Nazirliyinin mətbuat xidmətindən verilən məlumata görə, martın 4-də saat 6 radələrində Səbail rayonunun Bayıl qəsəbəsindən Şamaxı rayon sakini, 25 yaşlı Ceyhun Qurbanov kəsilmiş-deşilmiş xəsarətlə xəstəxanaya gətirilib və orada ölüb.

Polis və prokurorluq orqanları əməkdaşlarının həyata keçirdikləri istintaq və əməliyyat-axtarış tədbirləri nəticəsində qətli törətməkdə şübhəli bilinən Yardımlı rayon sakini, əvvəllər məhkum olunmuş Xəyyam Paşayev tutulub.