Bakıda məşhur mağazadan 120 min manatlıq oğurluq edilib.

Mediatv.az-ın xəbərinə görə, “Diamoni” MMC-nin direktoru, Bakı şəhər sakini, 1971-ci il təvəllüdlü Yaşar Qürbət oğlu Hüseynov polisə müraciət edib.

Direktor müraciətində bildirib ki, 2013-cü ildən 2015-ci ilin mart ayınadək MMC-də işləyən Bəxtiyar adlı şəxs açıq pəncərədən keçməklə şirkətdən 120 min manat dəyərində 2 100 cüt ayaqqabı oğurlayıb.

Şikayətlə bağlı Suraxanı Rayon Polis İdarəsinin 31-ci bölməsində araşdırma aparılır.