Bakıda müxtəlif yerlərdən oğurluq edən şəxslər həbs edilib. 

Daxili İşlər Nazirliyindən verilən məlumata görə, Bakı Şəhər Baş Polis İdarəsinin Təhlükəsiz Şəhər Xidməti və Qaradağ Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində apreldə Susanna Şərifovaya məxsus mağazadan içərisində pul olan “E-manat” ödəmə terminalını, Lökbatan qəsəbəsinin ərazisində quraşdırılmış “Milli Ön” ödəmə terminalından pul, Füzuli Sadıqova məxsus mağazadan tütün məmulatı və sərinləşdirici içki, habelə oradakı 2 ədəd “E-manat” ödəmə terminalından pul, Araz Məmmədova məxsus mağazadan pul, tütün məmulatı oğurlamış Qızıldaş qəsəbə sakinləri İlkin Mustafayev, Qurban Şəbiyev və Aqil Qasımov tutulublar.

Faktla bağlı araşdırma aparılır.