Argentinanın Kordoba şəhərində futbol oyunu zamanı 48 yaşlı baş hakim Sezar Flores öldürülüb.

Mediatv.az bu barədə `Goal.com`-a istinadən xəbər verir. 

Oyun zamanı hakim futbolçulardan birinə qırmızı kart göstərib. Müəyyən vaxtdan sonra oyundan kənarlaşdırılan futbolçu odlu silahla meydançaya daxil olub və Floresə üç dəfə atəş açıb. Güllələr hakimin baş, boyun və sinə nahiyələrinə dəyib. 

Bundan əlavə, komandalardan birinin futbolçusu Valter Sarate də yaralanıb. Oyunçu xəstəxanaya çatdırılıb, onun həyatı üçün təhlükə yoxdur. 

Hələlik insidentin hansı klubların oyunu zamanı baş verdiyi və hakimə atəş açan şəxsin adı da açıqlanmır. Onun 25 yaşı və hazırda axtarış olmasına dair məlumatlar var.