Mediatv.az-ın  əldə etdiyi məlumata görə, hadisə aprelin 12-də Sabunçu rayonu Bakıxanov qəsəbəsi Mehmandarov küçəsində baş verib. Paytaxt sakini, 1972-ci il təvəllüdlü Rauf İslamov idarə etdiyi “Ford” markalı avtomobillə münaqişə zəminində keçmiş qudası, 1972-ci il təvəllüdlü B.Əmrahovu vurub.

B.Əmrahov müxtəlif dərəcəli xəsarətlərlə xəstəxanaya yerləşdirilib. Onun həyatına təhlükə olmadığı bildirilib.Hadisədən sonra R.İslamov saxlanılıb. Onun barəsində Cinayət Məcəlləsinin 29.120.1-ci  (Qəsdən adam öldürməyə cəhd) maddəsi ilə iş başlanılıb.
Faktla bağlı Sabunçu Rayon Prokurorluğunda araşdırmalar aparılır.