Onun sözlərinə görə mahnıları intihar etmək istəyən insanları öz fikirlərindən daşındıra bilib:

“Qənirə Paşayevanın sözlərinə yazdığım “Həyata küsmə” mahnım çox insanlara mənəvi təsir edib. Bilirəm ki, hətta intihar etmək insanlar bundan sonra fikirlərini dəyişib. Bu barədə mənə xeyli zənglər olub və onlar təkcə sadə insanlar deyil. Tanınmış musiqiçilərdən biri mənə demişdi: ”İntihar etmək istəyirdim, lakin sənin mahnın məni  bu pis fikirdən daşındırdı”

Müğənnini sözlərinə görə, yazdığı mahnılar ucbatından onu ağılsız adlandıran həmkarları da var:

“Musiqilərimin tam yarısı insanları paklığa, vətənə sevgiyə çağırış edir. Və deyim ki, bu cür mahnılardan qazanc olmur. Buna görə bir də görürsən, həmkarlarım deyir ki, “Elzanın başı işləmir”. Amma mən fikirləşirəm ki, mahnıarım 100 nəfərdən heç olmasa 10 nəfərinə təsir edib ayıldırsa, bu, çox gözəldir.

Leyla Əliyevanın sözlərinə bir mahnı yazmışam, inşallah, hər kəs bu mahnıdan lərzəyə gələcək. İnsanlar vətən, zaman nədir, onu biləcək, qəlblərində sevgi yaranacaq. Bir bəstəkar kimi insanlara xidmət etmək mənim borcumdur.

 Qeyd edək ki, sözləri millət vəkili Qənirə Paşayevaya, musiqiləri əməkdar artist Elza Seyidcahana məxsus olan “Həyata küsmə" albomu keçən il işıq üzü görmüşdü.  Millət vəkili bu albomun satışından əldə olunan bütün gəliri Silahlı Qüvvələrə Yardım Fonduna bağışlayıb.