Musayev "Azərsilah"da möhkəmlənə biləcəkmi?

Ana səhifə Bizimlə əlaqə

Şirvanda 13 hektar ərazi başçı tərəfindən zəbt edilib - Qazinin əli ilə...

Rüşvətlə xidmət yeri dəyişdirən “Dayı” - Hakim qarşısında

70 kiloqram qızılla tutulan diplomat sabiq komitə sədrinin qardaşıdır

Sabiq deputat borcları qaytarmaq üçün çabalayır

ARB-nin 5 mərtəbəli studiya binası hansı məmura məxsusdur

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Karusel / Slayd (30-05-2019, 10:38)
Musayev "Azərsilah"da möhkəmlənə biləcəkmi?

Müdafiə Sənayesi Nazirliyinin (MSN) strukturunda kadr dəyişikliyi olub.

Mediatv.az “AzeriDefence”yə istinadla xəbər verir ki, nazir müavini (nazir səlahiyyətlərini icra edir) Yəhya Musayevin ötən həftə imzaladığı əmrlə “Optika-Mexanika” İstehsalat Birliyinin baş direktoru Xəqani İsayev tutduğu vəzifədən azad edilib.

X. İsayevdən boşalan vəzifəyə hələlik təyinat olmayıb.

Qeyd edək ki, Xəqani İsayev 2018-ci ilin əvvəlində mərhum nazir Yavər Camalovun əmri ilə “Optika-Mexanika” İstehsalat Birliyinə baş direktor təyin edilmişdi. O, bu vəzifəyə qədər “Cihaz” İstehsalat Birliyində çalışıb.

MSN-dəki mənbələrdən Reyting.az-a daxil olan məlumatda isə bildirilir ki, sabiq nazir Yavər Camalovun adıçəkilən nazirlikdə çalışan qohumlarının da karyerasına təhlükə yaranıb. Mənbə iddia edir ki, Y. Musayev Y. Camalovun məsul vəzifədə çalışan bir neçə qohumunu nazirlik sistemindən kənarlaşdırmağa hazırlaşır.

Məlumatda qeyd olunur ki, X. İsayev mərhum nazir Y. Camalovun kadrlarından olub və bu vəzifəyə də Camalov tərəfindən irəli çəkilib. Onu da qeyd edək ki, hələ ötən ilin avqust ayında Y. Musayevin X. İsayev də daxil olmaqla bir qrup müəssisə rəhbərinə şiddətli töhmət verdiyini, Musayevin onlarla haqq-hesab çəkməyə hazırlaşdığı xəbəri yayılmışdı.

Nazirlik kluarlarında dolaşan məlumata görə, Y. Musayevin növbəti hədəfi “Üfiq” İstehsalat Birliyinin baş direktoru Çingiz Əliyev ola bilər. Ehtimal olunur ki, Y. Musayev Ç. Əliyevin fəaliyyətindəki nöqsanlarla bağlı çox sayda informasiyalara malikdir. Xüsusilə də Ç. Əliyevin “Optika-Mexanika” İstehsalat Birliyinə rəhbərlik etdiyi dövrdə “Alov” zavodunda həyata keçirdiyi “maliyyə əməliyyatları” barədə materiallar Y. Musayevin masasının üzərindədir.

Qeyd olunur ki, Y. Musayevin digər əmri ilə ötən həftə Nazirliyin Əsaslı Təmir və Tikinti İdarəsinin müdiri Tacəddin Mirzəyev də vəzifəsindən azad edilib. Bildirilir ki, Y. Camalovun qaynı T. Mirzəyev MSN strukturlarında “at oynadanlardan” olub və onun fəaliyyətinin araşdırılması üçün sənədlərin hüquq-mühafizə orqanlarına göndəriləcəyi gözlənilir.

Yavər Camalovun MSN-də maaş alan qohum-əqrəbalarının MSN strukturlarından təmizlənməsi işlərinin növbəti həftələrdə də davam edəcəyi bildirilir. Bu sırada Nazirliyin Aparat rəhbəri Üzeyir İsmayılovun (Yavər Camalovun qardaşı Əlikram Camalovun kürəkəni), Yavər Camalovun Milli Aerokosmik Agentliyin direktor müavini vəzifəsində çalışan qardaşı Əlihüseyn Camalovun, nazirliyin beynəlxalq əməkdaşlıq şöbəsinin müdiri Rəmzi Şükürovun (Yavər Camalovun “Azneft”də mühəndisi olmuş, yaxın dostu Əbil Şükürovun oğlu), Yavər Camalovun dayısı Pirverdi Məmmədovun da adları hallanır.

İddia olunur ki, Camalovun qohumları ilə Yəhya Musayev arasında münaqişə hələ bir neçə il əvvəl yaranıb. MSN-də özlərini nazirliyin “söz sahibi” kimi aparan Camalovun qohum-əqrəbasından bir neçəsi Yəhya Musayevi saymayıb, hətta Yavər Camalov xəstəliyi ilə əlaqədar işə çıxmadığı vaxtlarda onu əvəz edən Y. Musayevin əmr və tapşırıqlarına lazımi səviyyədə əməl etməyiblər. Y. Camalov dünyasını dəyişəndən sonra nazir postuna MSN-in Aparat rəhbəri Üzeyir İsmayılovun gətirilməsi üçün işə başlayan bu komandanın Y. Musayev barədə müxtəlif KİV-lərə kompromatlar ötürməyə çalışdıqları da verilən məlumatlar sırasındadır. Hazırda nazirlikdə mövcud olan “Camalovun ailə komandası”nın bəzi üzvləri yeni yaradılan “Azərsilah” ASC-də özləri təmsil olunmasalar da, Y. Musayevi də yeni qurumdan kənarda qoymağa çalışırlar.

Məlumat üçün qeyd edək ki, Prezident İlham Əliyevin cari ilin yanvar ayında imzaladığı fərmanla MSN ləğv edilərək yerində “Azərsilah” ASC-nin yaradılması nəzərdə tutulub. Hazırda nazirliyin “Azərsilah” ASC-yə keçidi ilə əlaqədar hökumət tərəfindən işlər həyata keçirilir. “Azərsilah” ASC-nin strukturu, rəhbərliyi təsdiq olunana qədər qanunvericiliyə uyğun olaraq MSN fəaliyyətini davam etdirəcək.