Mediatv.az xəbər verir ki Dövlətimiz ölkəmizin beynəlxalq aləmdə tanınması, xalqımızın mədəniyyətinin xaricdə təbliği istiqamətində nəhəng işlər həyata keçirir. Bu müstəvidə cənab Prezident İlham Əliyevin, birinci vitse-prezident Mehriban Əliyevanın göstərdikləri şəxsi nümunə əlbəttə ki, xaricdə yaşayan azərbaycanlılar üçün də örnəkdir. Bu nöqteyi-nəzərdən, Azərbaycanı qürbətdə layiqincə təmsil edən, Ümummilli lider Heydər Əliyevin Aərbaycançılıq ideologiyasına sadiqlik göstərən, xalqımıza məxsus mənəvi dəyərləri təbliğ edən soydaşlarımızın gördükləri işlər Diaspor Təşkilatları ilə İş Üzrə Dövlət Komitəsi tərəfindən dəstəklənir. Burada bir məqamı da vurğulamağa dəyər ki, xaricdə yaşayan azərbaycanlıların Azərbaycan naminə daha çox və səmərəli iş görmələri üçün onların Vətəndəki mal-mülklərinin aqibətindən narahat olmamaları mühüm şərtdir. Lakin çox təəssüf hissi ilə qeyd etməliyik ki, bəzi məmurların ədalətsiz hərəkətləri qəlbi Vətən eşqi ilə döyünən, nəbzi Azərbaycanla döyünən xaricdəki soydaşlarımıza da pərişan edir.Mediatv.az-ln məlumatına görə  paytaxtın Nəsimi rayonunda həyata keçirilən pilot tikinti layihələrində baş alıb gedən, RİH başçısı Asif Əsgərovun rəvac verdiyi qanunsuzluqlardan əziyyət çəkən vətəndaşlar arasında əvvəllər saytımızda bu mövzuda gedən silsilə yazılardan birində adını çəkdiyimiz Orucova Zivər Dədəkişi qızı 23 ildir ki, Rusiya Federasiyasının Tatarıstan Respublikasının Yelabuqa şəhərində yaşayır və həmin şəhərdə Azərbaycan Mədəni Muxtariyyətinə sədrlik edir. Xatırladaq ki, Nəsimi rayonunun Səməd Vurğun küçəsi 941-ci məhəllədə Zivər Dədəkişi qızı Orucovanın 1954-cü ildən qalma 101,7 m2 qeyri-yaşayış sahəsi ərazidə pilot layihə icra edən, məhkəmə qərarı ilə hesabnlaşmayan  "Teymuroğlu" MTK tərəfindən sökülür. Rusiyada azərbaycan mədəniyyətini təbliğ edən Zivər xanım;n şəxsi mülki zorla, Azərbaycan Respublikasının qanunlarına məhəl qoymadan əlindən alınır. Bu prosesi həyata keçirən  "Teymuroğlu" MTK-nə bu şəraiti yaradan rayon rəhbəridir. Qarşılığında təklif olunan başqa qeyri-yaşayış sahəsi qaneedici olmadığından, etibarnamə ilə Zivər Orucovanın adından hərəkət edən qızı Sevinc Orucova etiraz etdiyinə görə MTK-nın işçisi tərəfindən döyülmüşdür.İndi özünüz fikirləşin, Vətəndə övladı döyülən, mülkünə qəsd edilən adam belə əhval-ruhiyyə ilə xaricdə necə mədəniyyətimizi təbliğ etmək həvəsini qoruya bilər?