Əhalidən ən çox xarici valyuta alan və satan “Əmrahbank” bu gündən valyuta əməliyyatları üçün bütün kassalarını bağlayıb.

Mediatv.az xəbər verir ki,   Bankın nümayəndəsi Turan-a valyuta alışının həyata keçirilmədiyini təsdiq edib, bunu “daxili qaydalarla” izah etsə də, hansı qaydalardan söhbət getdiyini açıqlamayıb.

Bankdan həmçinin bildiriblər ki, kassaların nə vaxt açılacağını bilmirlər.

Qeyd edək ki, “Əmrahbank” valyuta ticarətində sadə vətəndaşların üz tutduğu əsas yerdir. Bankın xarici valyuta alış-satışında müəyyən etdiyi sərfəli məzənnə müştərilər üçün cəlbedici idi.

Xatırladaq ki, əvvəllər bu rolu “Zaminbank” oynayırdı, o bağlandıqdan sonra “Əmrahbank” valyuta alış-satışında lider oldu.