Mənzil bazarı çökür

Ana səhifə Bizimlə əlaqə

70 kiloqram qızılla tutulan diplomat sabiq komitə sədrinin qardaşıdır

Sabiq deputat borcları qaytarmaq üçün çabalayır

ARB-nin 5 mərtəbəli studiya binası hansı məmura məxsusdur

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Bakıda maraqlı boşanma: Milyoner cütlüyün toydan bir ay sonrakı DAVASI

İqtisadiyyat (24-11-2016, 09:32)
Mənzil bazarı çökür

Mənzil bazarı çökür

Ekspertlər bildirirlər ki, alqı-satqının dollarla həyata keçirilməsi aktuallığını itirib, mənzillərin qiyməti isə ucuzlaşır

Mediatv.az xəbər verir ki, ölkənin mənzil bazarında qeyri-sabitlik hökm sürür. Dollar-manat qarşıdurmasından, həmçinin manatın dəyər itirməsi səbəbindən idxal olunan tikinti materiallarının bahalaşmasından yaranan səbəblər daha ciddidir. Ekspertlər bildirirlər ki, ilin əvvəli ilə müqayisədə mənzillər xeyli ucuzlaşıb. Növbəti devalvasiya ehtimallarından da mənzillərin bahalaşacağı gözləntisi çox deyil.

Ekspert Ramil Osmanlı musavat.com-a bildirib ki, mənzillərin qiymətində ilin əvvəlindən başlayaraq azalma müşahidə olunub: “Bu ilin əvvəlindən bu yana olan göstəricilərdə 20 faiz qiymət azalması müşahidə olunur. Bu, manatla olan qiymətlərə aiddir. Dollar ifadəsində qiymət azalmasından, yaxud artımından danışmaq öz aktuallığını itirib. Aylıq göstəricilərə baxsaq, təqribən fevral-may aylarından fərqli olaraq sentyabr-oktyabr aylarında aylıq göstəricilər 1,2-1,5 faiz azalıb. Bütövlükdə daşınmaz əmlak bazarında hazırkı vəziyyəti qeyri-qənaətbəxş hesab edirik. Bu, həm özünü əqdlərin dinamikasında göstərir, həm bazara müraciət edənlərin sayında göstərir, həm alqı-satqı əməliyyatlarının kəskin şəkildə azalmasında göstərir. Nəticə etibarı ilə ilin yekununa doğru indidən konkret fikir söyləmək olmaz. Bir ay vaxt qalıb. Konkret deyə bilərik ki, ilin sonuna doğru daşınmaz əmlak bazarında hər hansı ciddi əhəmiyyətli bir dəyişiklik müşahidə olunması ehtimalı yoxdur, gözlənilmir. Çünki onun üçün hər hansı bir iqtisadi səmərə mövcud deyil”.

Ekspertin sözlərinə görə, dolların manata nisbətinin möhkəmlənməsi tikinti materialları və digər idxal məhsullarında qiymətləri artırsa da, bu, hələ ki özünü mənzil qiymətlərində o qədər də göstərmir: “Yəni ikinci devalvasiyadan sonra tikinti materiallarının qiymətlərinin artımı müşahidə olundu. Amma hazırda bu proses sabitləşib. Yəni ümumi mənzərə bundan ibarətdir. Konyukturanın dəyişdirilməsi istiqamətində bazarda müəyyən cəhdlər oldu. Konkret desək, mənzillərin sövdələşmələrinin dollarla aparılması istiqamətində, təklif olunan mənzillərin və digər daşınmaz əmlak subyektlərinin dollar ifadəsində təklifi formasında təkliflər oldu. Amma bu, bir nəticə vermədi. Təqribən 2008-2009-cu illərdən fərqli olaraq, bu dəfə təklif nəticə vermədi. Yenidən müraciətlərin, sövdələşmələrin manatla həyata keçirilməsi prosesi baş verdi”.

Ekspert Rəşad Əliyev isə bildirib ki, daşınmaz əmlak bazarına təsir edən qısamüddətli və ortamüddətli amillər hazırda neqativdir. “Ortamüddətli təsir hazırda makroiqtisadi vəziyyətlə bağlıdır. Burada normallaşma gözlənilmir. Amma neftin qiymətinin əhəmiyyətli artımı daşınmaz əmlak bazarında gözlənilməzliyə və artıma səbəb ola bilər”,- deyə ekspert bildirib. Onun fikrincə, qısamüddətli amillər bir-birinə zidd təsirlər göstərir: “Manatın ucuzlaşması bazar iştirakçılarında çaşqınlıq yaradır”. Onun sözlərinə görə, mənzillərin qiymətinin manatla ifadədə azalması ehtimalı azdır.