Suriya milli ordusu Mənbic şəhərini terrorçulardan azad etdikdən sonra ərazidə dəhşətli mənzərələr ortaya çıxıb.

Oxu.Az xəbər verir ki, bu barədə "TRT Haber" məlumat yayıb.

Məlumata görə, PKK/YPG terrorçuları yerli xəstəxanadan öz çirkin məqsədləri üçün istifadə ediblər.

Belə ki, xəstəxana binasının altında terror təşkilatının gizli tuneli aşkarlanıb. Binanın üzərində isə vaxtilə PKK-çıların növbətçi postu qurulub. Bu fakt terrorçuların mülki obyektlərdən necə yararlandığını bir daha təsdiq edir.