Avtomobil bazarı çöküb: - Maşın alan yoxdur » Mediatv.az informasiya portalı

Ana səhifə Bizimlə əlaqə

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

İşğal və təcavüz faktı olmasaydı… - Hacıyev

Bakıda sabiq icra başçısının klinikasında qəssabxana açıldı - AQTA bağladı

Ermənistanın bunu etməsi narahatlıq yaradır - Əliyev

Burda baş həkimin QOÇUSU MEYDAN SULAYIR... - NARAZILIQ VAR...

İqtisadiyyat (17-08-2024, 08:12)
Avtomobil bazarı çöküb: - Maşın alan yoxdur

Bu ilin yanvar-iyul aylarında Azərbaycan 944 milyon ABŞ dolları dəyərində 51 179 ədəd müxtəlif təyinatlı avtomobil idxal edib.

Bu barədə Dövlət Gömrük Komitəsi (DGK) məlumat yayıb.

Bildirilib ki, bu, ötən ilin eyni dövrü ilə müqayisədə müvafiq olaraq 4,8 % çox və 9,8 % azdır.

7 ayda sürücü daxil olmaqla, 10 nəfər və yaxud daha çox adam daşımaq üçün nəzərdə tutulmuş motorlu nəqliyyat vasitələrinin idxalı dəfə 62,5 % artaraq 130 ədəd (7,950 milyon ABŞ dolları dəyərində), əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələrinin idxalı isə 12,6 % azalaraq 46 017 ədəd (831 milyon ABŞ dolları dəyərində) təşkil edib.

Bu avtomobillərin 11 276-sı (326 milyon ABŞ dolları dəyərində) daxili yanma mühərriklə yanaşı, elektrik mühərriklə də hərəkətə gətirilən nəqliyyat vasitələri, 1 792-si (71,5 milyon ABŞ dolları dəyərində) isə yalnız elektrik mühərriklə hərəkətə gətirilən nəqliyyat vasitələridir.

Bu isə birincinin 33,8 %, ikincinin isə 20,1 % artması deməkdir.

Bundan əlavə, yük daşımaq üçün mühərrikli nəqliyyat vasitələrinin idxalı 26 % artaraq 4 782 ədəd (80 milyon ABŞ dolları dəyərində), xüsusi təyinatlı motorlu nəqliyyat vasitələrinin idxalı isə 15,2 % artaraq 250 ədəd (25 milyon ABŞ dolları dəyərində) olub.

Maraqlıdır, Azərbaycanda maşın bazarı çöküb, yoxsa alıcı azalıb?

Nəqliyyat sahəsi üzrə ekspert Aslan Əsədov "Cebheinfo.az"-a açıqlamasında bildirib ki, ölkəyə idxal olunan avtomobillərin sayında durğunluq müşahidə edilir:

"Bunun da bir neçə səbəbi var. Məhz pandemiyadan sonra dünya iqtisadiyyatına ciddi ziyan dəydi. Azərbaycan alıcısı da bundan təsirlənmiş oldu. Ölkəyə giriş-çıxışın məhdudlaşdırılması, turist axınının zəifləməsi kimi amillər kapital dövriyyəsini azaltdı. Bu isə insanların əlində olan ehtiyat pulların azalmasına gətirib çıxartdı. Ehtiyat pul azaldıqca insanlar da avtomobil bazarına üz tutmur. Yəni, həm alıcılıq azalıb, həm də bazarda zəiflik var. Bu da öz növbəsində rəqəmlərdə əksini tapır".