“Bankların bu xidməti müştəri cəlb etmək, öz kartlarından istifadə etdirmək üçündür”.  
Bu sözləri Valyuta.az-a bank məsələləri üzrə ekspert Əkrəm Həsənov bəzi bankların 2 qat ƏDV verməsinin səbəbləri haqqında danışarkən deyib.
Əkrəm Həsənov deyib ki, bəzi böyük banklar ƏDV-ni iki qat verir:
“Bunlar kampaniya keçirir və müştəriyə deyir ki, ƏDV-ni bizim vasitəmizlə qaytarsan, biz sənə bunu iki qat qaytaracağıq. Məsələn, mağazadan 118 manatalıq nəsə almışıqsa, əgər nağdsızdısa 18 faiz, nağd ödəmədirsə, onun 17.5 faizini dövlət bizə geri qaytarır. Bu zaman bank da deyir ki, sən bu xidməti mənim bankımdan istifadə etdiyin üçün bu qədər də mən sənə qaytarıram”. Ekspert bildirib ki, bankların bu xidməti bir müddət olur:
“Qanunsuz heç nə yoxdur. Onlar bununla müştəriyə pul hədiyyə edir. Belə kampaniyaları digər bankları bazardan vurub çıxarmaq üçün böyük banklar edir. Artıq qazanc üçün bunu müştəri cəlb etmək məqsədi ilə edirlər. Bir müddətdən sonra müştəri cəlb edilir, digər banklar sıradan çıxandan sonra limit azaldılır, daha sonra isə kampaniya bitdi deyib, ləğv edirlər. Kiçik bankların çox pulu olmadığı üçün rəqabət apara bilmir. Bir tərəfdən bu qanuni olsa da, açıq-aşkar haqsız rəqabət yaradır. Kiçik bankların müştəriləri əlindən alınır”. шаблоны для dle 11.2