Mediatv.az  eurointegration.com.ua-ya istinadən xəbər verir ki, bu həftə Yaponiyada keçiriləcək G7 liderlərinin müzakirə mövzusu Ukrayna üzrə sülh sammiti olacaq.
Bu barədə Reuters agentliyinə müzakirələrlə tanış olan Aİ rəsmisi məlumat verib.
"Varlı G7 ölkələrinin liderləri bu həftə Yaponiyada keçirəcəkləri görüş zamanı Ukrayna üzrə beynəlxalq sülh sammitinin keçirilməsi ideyasını müzakirə edəcəklər", - deyə, agentlik mənbəyə istinadən bildirib.
G7 liderləri mayın 19-21-də Yaponiyanın Xirosima şəhərində görüşəcək.
G7 sammitində Rusiyanın dondurulmuş aktivlərindən istifadə məsələsi də müzakirə olunacaq.
Xatırladaq ki, mart ayında prezident Vladimir Zelenski Avropa paytaxtlarından birində onun sülh planına dair sammitin keçirilməsini təklif etmişdi.
KİV-in məlumatına görə, Aİ iyulda keçiriləcək NATO sammitindən əvvəl Kopenhagendə sammit keçirməyi təklif edir.
Bildiyiniz kimi, Ukrayna prezidenti 2022-ci ilin payızında keçiriləcək G20 sammitindəki çıxışında 10 bəndlik sülh planını təqdim etdi.шаблоны для dle 11.2