"Digər ölkələrlə müqayisədə Azərbaycanda tərəvəz məhsullarının qiyməti çox bahadır”.

Mediatv.az bildirir ki, bunu Qaynarinfo-ya açıqlamasında kənd təsərrüfatı məhsulları üzrə ekspert Vahid Məhərrəmov deyib. O, bunun səbəbini məhsulların inhisarçıların nəzarətinə keçməsi ilə izah edib:

"Bununla bağlı dəfələrlə deylib və yazılıb. Hətta qonşu Ermənistan, Gürcüstanda, İranda Azərbaycana nisbətən tərəvəz məhsulları 20-30% ucuzdu. İndi Türkiyədə demək olar ki, Azərbaycanla müqayisədə pomidorun qiyməti 2 dəfə, xiyarın qiyməti 80%, kartofun qiyməti 40%, gül kələmi 3 dəfə ucuzdur. Bu onunla bağlıdır ki, Azərbaycan uzun illərdir ki, kənd təsərrüfatı məhsulu istehsalına ciddi önəm vermir. Bu səbəbdən də Azərbaycanda kənd təsərrüfatı məhsulları ölkənin təlabatı qədər deyil”.

Vahid Məhərrəmov hesab edir ki, ölkənin təlabatı qədər olmadığı üçün işbazlar fürsətdən istifadə edir:

"Topdansatış bazarında inhisar mövcuddur. Onlar qiyməti süni olaraq qaldırırlar. Digər tərəfdən, ölkəyə idxal olunan məhsul da inhisarçıların əlindədir. Bu səbəbdən də Azərbaycanda kənd təsərrüfatı məhsullarının qiymətləri yüksəkdir”.шаблоны для dle 11.2