MEdiatv.AZ piasport.az-a istinadən bildirir ki, klub rəhbərliyi futbolçuların maaşlarını verə bilmir.

Belə ki, Lənkəran klubunda bu ayın maaşı növbəti ayın 15-nə qədər verilir. Noyabrın 28-i olmasına rəğmən hələdə məvaciblər ödənməyib. Kluba yaxın mənbənin verdiyi məlumata görə, buna səbəb "Palmali"nin baş ofisindən gəlməli olan pulun gecikməsidir. Maaşların nə vaxt veriləcəyi hələ məlum deyil.

"Xəzər Lənkəran" futbolçularla yanaşı, mətbuata verməli olduğu reklam pullarını da ödəməyib.

Qeyd edək ki, "Xəzər Lənkəran"da maliyyə problemləri bu ilin yayından başlayıb. Klub rəhbərliyi futbolçulara və mətbuata iyun-sentyabr aylarında ödəniş edə bilməmişdi. Sentyabrda və noyabrda 2 aylıq ödənriş edən lənkəranlılar bununla da borcları qapatmışdı.