Azərbaycan Taekvando Federasiyasının baş məşqçisi, taekvando üzrə yığma komandamızın rəhbəri Ələkbər İmaməliyev baş məşqçi postundan uzaqlaşdırılıb. 

"Mediatv.az" xəbər verir ki, bu barədə AzNews.az-a Gənclər və İdman Nazirliyinin mətbuat xidmətinin rəhbəri Səmayə Məmmədova məlumat verib. O, yığmanın gənclər üzrə məşqçisi Gündüz Abdullayevin də vəzifəsindən kənarlaşdırıldığını təsdiqləyib.

Hər iki şəxsin işdən çıxarılmasına səbəb taekvandoda aşağı nəticə göstərmələri ilə əlaqəli olduğu deyilir.

Qeyd edək ki, Taekvando Federasiyasının prezidenti fövqəladə hallar naziri Kəmaləddin Heydərovdur.