“Qarabağ”ın Yunanıstanın “Olimpiakos” klubundan icarəyə götürdüyü Tarik Elyunussi komandanı tərk edib.

Mediatv.az  xəbər verir ki, bu barədə məlumatı Norveç mətbuatı (“expressen.se”) yayıb. 

Məlumatda qeyd edilib ki, 29 yaşlı yarımmüdafiəçinin “Olimpiakos”la müqaviləsinə xitam verilib.

Mərakeş doğumlu Norveç millisinin futbolçusu İsveçin AİK klubu ilə danışıqları müsbət tamamlayıb. Tibbi baxışdan keçən futbolçu Dubayda hazırlıq keçən yeni komandasına qoşulacaq. Onunla iki illik müqavilə bağlanacaq.

Qeyd edək ki, Norveç millisinin üzvü olan Tarik Elyunussi "Qarabağ"da cəmi yeddi oyun keçirib.