Azərbaycan futbolçusu Rauf Əliyev Albaniyanın “Kukesi” klubu ilə müqavilə imzalayıb. 

Mediatv.az Apasport.az-a istinadən xəbər verir ki, bunu klubun rəsmi saytı açıqlayıb.

Yay fasiləsində fəal olan Albaniya təmsilçisi daha iki oyunçusununun təqdimat mərasimini keçirib. Onlardan biri Azərbaycan millisinin sabiq hücumçusudur.

Bakı “İnter”i sabiq futbolçusunun keçidinə əngəl olmağa çalışsa da, Raufun “Kukesi”ylə anlaşması baş tutub. Bu da o deməkdir ki, Əliyev bu ölkədə çıxış edən ilk həmyerlimiz olacaq.