“Mançester Siti” mövsümün transfer “bomba”sını partlatmaq istəyir. 

“Mediatv.az” xəbər verir ki, “Siti” “Yuventus”un gənc ulduzu Pol Poqbaya 65 milyon  avro ödəmək niyyətindədir. Bu mövsüm göstərdiyi super performansla hamının rəğbətini qazanan və “Barselona”dakı illərini xatırlatdıran Yaya Turenin yaşının artması “Mançester”i alternativ adlar axtarmağa məcbur edib.  İlk növbədə ağla gələn futbolçu 21 yaşlı yarımmüdafiəçi Pol Poqbadır.  İngilis klubu Poqba üçün əvvəlcə 45 milyon avro və gələn mövsüm heyətdə düşünülməyən Aleksandr Kolarov və ya Edin Dzeko təklifi edib. Lakin daha sonra “Siti”dən “Yuventus”a keçən Tevezin transferindən qalan borc pulların silinmək ehtimalının da olduğunu deyib. Tərəflər arasında razılıq əldə olunsa, gənc ulduzu gələn mövsüm Premyer Lİqada izləmək mümkün olacaq.