İdman (19-11-2015, 21:11)
“Qalatasaray”da daha bir istefa
Türkiyənin “Qalatasaray” klubunda daha bir istefa gerçəkləşib.
Mediatv.az saytının məlumatına görə, baş məşqçi Hamza Hamzaoğlunun ardından İdarə Heyətinin üzvü Tayfun Dəmir də klubdan ayrılıb.
O, istefa qərarını baş məşqçinin vəzifəsindən azad edilməsinə etiraz əlaməti olaraq atıb. Dəmir deyib ki, Hamzaoğlu iki əllə tutub saxlanılacaq dəyərdə bir baş məşqçidi və onun qovulması qəbulolunmazdı: “Rəhbərliyin bir üzvü kimi klubun çox ciddi problemlərlə üz-üzə qaldığını hiss edirəm. Maddi problemlər yaşadığımız vaxtda yaxşı kadrları vəzifəsindən azad etməyimiz isə avtoqol vurmağımıza oxşayır. Bu üzdən klubun taleyi üçün çox narahatam. Gecə-gündüz çalışmalı olduğumuz vaxtda ən bacarıqlı adamlarımızdan birinin işindən çıxarılmasının məsuliyyətinə şərik ola bilmərəm”.
Qeyd edək ki, “Qalatasaray” dünən gözlənilmədən baş məşqçi Hamza Hamzaoğlu ilə yolları ayırmışdı.