İspaniyanın “Real” klubu yaxın zamanlarda Kriştianu Ronaldu ilə yollarını ayırmaq niyyətində deyil.

APA-nın məlumatına görə, bunu klubun prezidenti Florentino Peres bəyan edib.

O, Parisin PSJ klubunun Kriştianu Ronaldunu öz sıralarına qatmaq fikrindən xəbərdar olduğunu bildirib: “Əgər PSJ Kriştianunu istəyirsə, buna nail ola bilər. Lakin transfer üçün 1 milyard avro ödəməli olacaq. Futbolda nəyisə əvvəlcədən proqnozlaşdırmaq çətindir, lakin biz 2016-cı ildə Ronaldu ilə vidalaşmaq niyyətində deyilik. Onun klubla müqaviləsinin bitməsinə hələ 3 il qalır”.