"Azərbaycan Şahmat Federasiyası Dünya Şahmat Turnirinin Bakıda ən yüksək səviyyədə keçirilməsi üçün hər şeyi edib". Trend-in məlumatına görə, bunu Azərbaycan Şahmat Federasiyasının prezidenti Elman Rüstəmov Bakıda keçiriləcək Dünya Şahmat Turinirinə həsr olunmuş mətbuat konfransında deyib.

E.Rüstəmov bildirib ki, turnirdə çox gərgin yarışmanın keçməsini gözləyirik: "İdmançılarımız bu yarışmaya yaxşı hazırlaşıblar və ümid edirik ki, idmançılarımız uğurla çıxış edəcəklər. İdmançılarımızdan gözləntilərimiz böyükdür".

O, qeyd edib ki, son illərdə Azərbaycan şahmatçılarının beynəlxalq turnirlərdə qazandığı uğurlar hamıya məlumdur: "Bu gün güclü komandamız, güclü oyunçularımız var. Burada əsl idman mübarizəsinin baş tutmasını gözləyik".

E.Rüstəmov əlavə edib ki, turnirdə dünyanın ən yüksək reytinqli şahmatçıları iştirak edir.

Tədbirdə çıxış edən gənclər və idman naziri Azad Rəhimov da Azərbaycanda güclü şahmatçıların yetişdiyini bildirib və idmançılarımızdan yarışmalarda yüksək nəticələr gözlədiyini diqqətə çatdırıb.